Айтыш нрндг мифологиялык образдардын улуттук маданий баалуулуктарды сактоо, формалаштыруу жана жарандык а-сезимди калыптандыруудагы поэтикалык-функционалдык мааниси

Бул макалада айтыш өнөрүндөгү мифологиялык образдардын улуттук маданий баалуулуктарды сактоо, формалаштыруу жана жарандык аң-сезимди калыптандыруудагы поэтикалык-функционалдык мааниси илимий негизде каралат. Айтыш - кыргыз эл маданиятынын маанилүү бөлүгү болуп, анын чыгармаларында байыркы мифологиялык мотивдер кеңири чагылдырылган. Мифологиялык образдар айтыш өнөрүнө терең поэтикалык маанини берип, улуттук рухий баалуулуктардын мурас катары муундан-муунга өтүшүн камсыздайт. Макалада мифологиялык элементтердин айтыштагы түрлөрү, алардын символикалык жана семантикалык функциялары, ошондой эле бул элементтердин кыргыздын улуттук маданиятындагы жана жарандык аң-сезиминдеги орду талданат. Ошондой эле айтыш өнөрүнүн тарыхый жана социалдык контексттери, заманбап шарттардагы ролу изилденет. Изилдөө кыргыз адабияты жана фольклору тармагындагы илимий адабияттарга таянуу менен жүргүзүлүп, мифология менен маданияттун өз ара байланыштарын чагылдыруу аркылуу улуттук иденттүүлүктү бекемдөөгө салым кошот.