O‘quvchilarda dasturlash ko‘nikmalarini shakllantirish omillari

Hozirgi vaqtda dasturlash tillari va IT sohasi dunyoda jadal sur’atlarda rivojlanib bormoqda. Rivojlangan davlatlar Amerika, Xitoy, Rossiya, Germaniya, Yaponiya va Buyuk Britaniyada dasturlash tillari yuqori darajada oʻrin tutadi va sohaning eng yetuk mutahassislariga ega. Butun jahonda insonlar ish kuchidan koʻra kompaniyalar tomonidan dasturchilar yordamida dasturlash tillari orqali yaratilgan robotlar va robot mashinalardan foydalanishni abzal bilishmoqda. Bunga sabab mashinalar tomonidan yaratilgan barcha narsalar vaqt samaradorligi, tez, sifatli va aniq ishlash mexanizimiga egaligidir. Dasturlash tillarini oʻrganish orqali insonlar hatto uylarida ham pul ishlashlari mumkin. Shuning uchun bu sohaga boʻlgan qiziqish tobora ortib bormoqda, xususan bizning Oʻzbekiston yoshlari oʻrtasida ham. Yoshlarimizning dasturlash tillari va IT sohasiga boʻlgan qiziqishini oshirishga shaxsan Prezidentimizning tashabbuskorliklari ham katta ahamiyat kasb etmoqda. Bunga yaqqol misol oʻtgan “2020 yil — Ilm-ma’rifat va raqamli iqtisodiyotni rivojlantirish yili” deb e’lon qilinganidir. Ular Respublikamizda bir millionta oʻzbek yosh dasturchilarni tayyorlash kerak deb aytgan fikrlaridan soʻng, bu ishlar yanada avj olmoqda. Shavkat Mirziyoyev prezidentlik faoliyatining ilk kunlaridayoq yurtimizda kadrlar muammosi borligini aytgan edi. Koʻp oʻtmay, bu masalani tag zaminidan oʻrganish va hal etish, yuqori malakali mutaxassislar tayyorlash maqsadida mislsiz islohotlar boshlandi.

Oʻzbekiston Respublikasi Prezidentining 2017 yil 14 sentyabrdagi qaroriga muvofiq tashkil etilgan Muhammad al-Xorazmiy nomidagi maktab shunday ta’lim maskanlaridan yana biridir. Bundan tashqari davlatimiz rahbari tomonidan 13.02.2021 kuni zamonaviy infratuzilma yaratish masalasi bo’yicha o’tkazilgan yig’ilishda IT-akademiya, IT-park, IT-laboratoriya, Kovorking markazi, Mobil dasturlar ishlab chiqarish markazi, Masofaviy axborot texnologiyalari markazlarini barpo etish boʻyicha koʻrsatmalar berildi. 2021 yildan boshlab maktab oʻquvchilari va oliy oʻquv yurtlari talabalari oʻrtasida “Boʻlajak olim” tanlovini tashkil qilish orqali yoshlarning eng yaxshi innovatsion hamda startap loyihalariga 50 milliard soʻm mablagʻ yoʻnaltirish boʻyicha koʻrsatma berildi.

Shulardan kelib chiqib biz ham oʻquvchilarga dasturlash ishlarini oʻrgatishga astoydil xarakat qilib kelmoqdamiz.

Oʻquvchilarda dasturlash tillarini rivojlantirish uchun quyidagi muhim omillarga etibor berish kerak. Yaʻni ularda dast avval dasturlash tillariga nisbatan maylni, soʻngra xavasni, undan keyin esa qiziqishni uygʻotish kerak. Shundan soʻng unda dasturlash tillari haqida koʻnikma shakllanadi va rivojlanadi. Oʻquvchilar dasturlash tillari boʻyicha rivojlanganda esa biz maqsadga erishgan boʻlamiz. Ana unda u oʻz sohasi boʻyicha malakali mutahassis boʻlib ish yurita boshlaydi. Bunday kadrlar bizning mamlakatimiz oʻquvchilariga oʻz bilimlarini berish orqali katta foydasi tegadi va bunday kadrlar safi kundan-kunga kengayib boraveradi.

Oʻquvchilarda dasturlash koʻnikmalarini shakillantirish omillari deganda biz dasturlash tillarini oʻrgatishdagi usullar (metodlar), shakllar, vositalar, shar-sharoitlarni nazarda tutamiz. Ya’ni ularga turli yangi metodlar orqali darslarni tashkillashtirish, yakka tartibda yoki guruhlarga boʻlgan holatda dars oʻtish, kompyuter va proyektorlardan foydalanish, maxsus jixozlangan kompyuter xonalaridan foydalanish orqali dars olib borish zarur.

Hozirgi vaqtda zamonaviy kompyuterlar uchun koʻplab dasturlash tillari ishlab chiqarilgan boʻlib, hammasining oʻziga xos afzalliklari, imkoniyatlari hamda qonun-qoidalari mavjud. Dunyoda juda ham koʻp dasturlash tillari bor va quyida ularning baʻzilarining nomlarini keltirib oʻtamiz.

Joylanmagan dasturlash tillari: Gentee, Basic, GBasic, Fortran

Obyetkga yoʻnaltirilgan dasturlash tillari: Turbo Pascal, FORTRAN, ALGOL, Delphi, C#, Java, C++, Visual Basic, ActionScript, Python, Ruby.

Quyi dasturlash tillari: :Assembler, C.

Skript dasturlash tillari: Python, Java Script, VB Script, Lua.

Veb dasturlash tillari: PHP, ASP, Perl, Python, Java Script.

Kompyuterda dasturlash bu - kompyuter mikroprotsessori uchun turli buyruqlar berish, qachon, qayerda nimani oʻzgartirish va nimalarni kiritish yoki chiqarish haqida buyruqlar berishdir. Dasturlash - kompyuterlar va boshqa mikroprotsessorli elektron mashinalar uchun dasturlar tuzish, sinash va oʻzgartirish jarayonidan iborat. Dasturlash degani bu yechilishi talab etilgan masalani tartibga solish yani algoritmini tuzishga aytiladi. Algoritm deb, qoʻyilgan masalani toʻla hal etish uchun ijrochining bajarishi lozim boʻlgan amallar ketma-ketligining qat’iy tartibiga aytiladi. Algoritm soʻzi buyuk olim, yurtdoshimiz Abu Abdulloh Muhammad ibn Musa al-Xorazmiy nomidan kelib chiqgan. 825 yilda al-Xorazmiy oʻz risolasida birinchi boʻlib Xindistonda kashf qilingan oʻnlik sanoq sistemasi haqida maʻlumot bergan. Al-Xorazmiy ushbu yangi sanoq sistemasida xisob ishlarini bajarishni qoidalarini ifoda etgan. XII asrning birinchi yarmida Al-Xorazmiy asarining lotin tilidagi tarjimasi Yevropaga kirib bordi. Tarjima lotincha “Algoritmi de numero Indorum” deb nomlandi. Ushbu nom “Algoritmi Xind sonlari” degan ma’noni bildirardi va bundagi “Algoritmi” soʻzi Al-Xorazmiyning ismini lotinlashishini bildirar edi. Ushbu risola yordamida “algoritm” soʻzi yevropa tillariga kirib bordi.

Xar qanday algoritm quyidagi talablarga javob berishi kerak:

• 1.    Diskretlik – algoritm masalani bajarish jarayonini ma’lum bir qadamlar ketma-ketligi sifatida koʻrsatishi kerak;

• 2.    Aniqlik – xar bir vaqt qiymati uchun keyingi bajariladigan qadam tizim xolati bilan belgilanadi;

• 3.    Tushunarlilik – algoritm faqatgina bajaruvchiga ma’lum komandalarni oʻz ichiga olishi kerak;

• 4.    Yakunlilik – birlamchi ma’lumotlar berilganda algoritm oʻz ishini chekli sondagi qadamlarda tugatishi kerak;

• 5.    Universallik – algoritm xar xil toʻplamdagi birlamchi ma’lumotlarga qoʻllanishi kerak;

• 6.    Natijalilik – algoritmni ma’lum natija bilan tugatilishi;

Algoritmni soʻzlar yoki sxemalar yordamida ifoda qilish mumkin. Odatda, biron bir masalani algoritmini tuzish uchun birinchi uning algoritmi soʻzlar bilan ifodalanadi. Keyinchalik, masalani amalda bajarishga yaqinlashganda algoritmni bajaruvchisiga tushunarli tilda tuziladi (masalan, mashina kodida). Algoritmni koʻrgazmali ifoda etish uchun blok-sxemalardan foydalaniladi. Algoritmni bajaruvchisi tiliga bogʻliq boʻlmagan ifoda qilish usuli psevdokod hisoblanadi. Algoritmik til deb algoritmlarni ijrochiga tushunarli va bir xil koʻrinishda ifodalash uchun zarur boʻlgan belgilar va qonun-qoidalar majmuasiga aytiladi. Algoritmik tillar koʻpincha dasturlash tillari deb ham ataladi. Dasturlash tillari imkoniyat darajalarining turlichaligi bilan bir-birlaridan farq qiladi. Masalan, BASIC algoritmik tili oʻrganish uchun sodda va qulay boʻlib, unchalik murakkab boʻlmagan muhandislik masalalari uchun moʻljallangan. C++, Java, Java Script va Python tillari esa zamonaviyligi, dastur yozish jarayonida yoʻl qoʻyilishi mumkin boʻlgan xatoliklarning oldini olish, yangi tipdagi funksiya ma’lumotlarni hosil qilish, rekursiv funksiyalar bilan ishlash, grafik imkoniyatlarning kengligi, mobil qurilmalar uchun mobil ilovalar va oʻyinlar yaratish mumkinligi, web saytlar yaratish, hozirgi kunda ommalashayotgan sun’iy intellekt bilan ishlash imkoniyatlarining mavjudligi hamda boshqa koʻplab xususiyatlarni oʻzida jalb etganligi sababli boshqa tillardan farq qiladi. Odatda dasturlash yuqori saviyali dasturlash tillari (Delphi, Java, Java Script, C++, Python) vositasida amalga oshiriladi. Bu dasturlash tillarining semantikasi odam tiliga yaqinligi tufayli dastur tuzish jarayoni ancha oson kechadi.

Dasturlash elektron mashinalarda masalalarni yechish hamda ularda har xil aqliy mehnat turlarini bajarish nazariyasi va usullarini ishlab chiqish bilan shugʻullanadigan fan, algoritmlar nazariyasining amaliy boʻlimi, insonning mashina bilan aloqa qilish vositasidir. Asosiy vazifalaridan biri elektron mashinalar uchun programma (dastur) tuzish usullari, ularni tekshirish va takomillashtirishdan iborat. Yechilishi lozim boʻlgan masala algoritmi dasturlashda “mashina tili”ga oʻtkaziladi.

Dasturlash - bevosita dasturlash va avtomatik dasturlashga boʻlinadi. Bevosita dasturlashda programmaning umumiy sxemasini ishlab chiqishdan kodlash va mashinaga kiritishgacha boʻlgan barcha ishni programmachi bajaradi. Avtomatik dasturlashda esa programmachi faqat programma sxemasini tuzib, uni qisqartirilgan simvolik koʻrinishda yozadi, programma tuzish va uni kodlash kabi texnikaviy ishlarni esa mashinaning oʻzi maxsus dasturlash programmasi yordamida bajaradi.

Dasturlash jarayoni, odatda, quyidagi bosqichlarga boʻlinadi: 1) masalaning qoʻyilishi; 2) masalaning algoritmik tavsifini tuzish; 3) masalani yuqori darajadagi programma tilida dasturlash; 4) masalani taxminiy mashina tilida dasturlash;

• 5) masalani mashina tilida dasturlash. Dasturlash tili programmalar tuzishning asosiy vositasidir. Bu tillar konkret mashina komandalari sistemasiga bogʻliq boʻlmasligi va iboralar strukturasi jihatidan umumiy xususiyatga ega boʻlishi bilan boshqa tabiiy tillarga oʻxshab ketadi. Iboralar ikki turga - operatorlar hamda tavsiflarga boʻlinadi, ularning bir-biri bilan bogʻliqligi qavslar bilan, alohidaligi nuqtali vergul bilan ajratiladi. Operator tilning amal birligi boʻlib, oʻz navbatida, oʻzgaruvchan kattalikka qiymat beruvchi operatorlar, shartga muvofiq tegishli hisoblash tarmogʻini tanlovchi (shartli) operator va takroriy hisobni amalga oshiruvchi sikl operatorlariga boʻlinadi. Tavsifda oʻzgaruvchan kattalik va boshqa belgilar xususiyatlari yoziladi. Biror xususiy masalani yechish uchun tuzilgan programmani simvolik ravishda funksional belgilash mumkin. Bunday belgilash va tavsif birgalikda kichik programma deb yuritiladi. Yangi programmalar tuzishda kichik programmalardan tayyor holda foydalanish mumkin.

Juda koʻp dasturlash tillari muhandislik va ilmiy masalalarni yechish uchun fortran, iqtisodiy hisoblashlar uchun kobol, matematik modellar uchun simula, takomillashgan algol-68, PL/I yaratildi. Ularning har biri uchun shu tillarda ifodalangan masalalarga qarab mashina programmasini avtomatik tarzda qayta tuzuvchi translyatorlar mavjud. Taxminiy mashina tili ikkilik sistemadan koʻra yanada qulayroq simvollarda ifodalangan mashina komandalari terminlaridagi programmalar boʻlib, bunda koʻpincha, yuqori darajadagi til sifatida blok sxemalardan foydalaniladi.

Dasturlashning programma tuzilgandan keyingi yana bir asosiy bosqichi „tekshirish“ (otladka) boʻlib, bunda yoʻl qoʻyilgan xatolar topiladi va tuzatiladi. Programmalar kodlanadi va mashinaga maxsus qurilma yordamida kiritiladi.

Paskal dasturlash tili va zamonaviy dasturlash tillaridan biri bo ʻlgan Python dasturlash tillarida yozilgan sodda dasturni solishtirib oʻtamiz.

Paskal dasturlash tilida:

Var a,b,m: integer;

Begin

• a := 5;

b := a * 2;

b := b + 5;

m := 4;

m := m * b;

writeLn(ʻNatija m = ʻ,m);

End.

Python dasturlash tilida:

a = 5

b = a * 2

b = b + 5

m = 4

m = m * b print(ʻNatija m =ʻ,m)

Bulardan koʻrinib turibdiki Paskal dasturlash tiliga qaraganda Python dasturlash tilida kod yozish birmuncha oson, samarali va vaqtning tejamkorligiga olib keladi.

Oʻquvchilar zamonaviy dasturlash tillarini oʻrganishlari orqali kelajakda dasturlash sohasiga oid biror faoliyat bilan shug ʻillangan holda yaxshi moddiy daromadga ega boʻlishlari mumkin. Albatta zamonaviy dasturlash tillari jumladan Python orqali bugungi kunda sunʻiy idrok sohasi jadal sur’atlarda rivojlanib kelmoqda, bu esa oʻz navbatida barcha sohalarda mashina imkoniyatlari orqali maksimal darajada unumdorlikga erishish mumkinligini nazariy jihatdan isbotlashdi. Bundan kelib chiqgan holda shuni aytishimiz mumkinki yaqin yillarda dasturlash sohasi rivojlangan mamlakatlar boshqa mamlakatlarga nisbtan bir-necha barobar tezroq oʻsishga erishadi. Bu asos sohaning davlat miqyosidagi eng muhim yoʻnalishlaridan biri ekanligini koʻrsatib turmoqda.

Xulosa qilib aytganda bugungi kunda dasturlash tillari yetarli darajada rivojlandi va barcha sohalarda dasturlash tillari yordamida yaratilgan dasturlardan ish unimdorligini oshirish maqsadida keng foydalanib kelishmoqda. Taʻlim maskanlarida ham dasturlash tillarini oʻqitish toʻgʻri yoʻlga qoʻyilgan boʻlib oʻquvchilarni sohaga yanada kengroq jalb etish maqsadida davlat va nodavlat tashkilotlari tomonidan koʻplab loyihalar ham amalga oshirilib kelinmoqda. Umumiy manoda dasturlash tillarini oʻqitish uchun oʻqituvchi va oʻquvchiga yetarlicha sharoit mavjud. Faqat oʻqituvchi va oʻquvchi oʻrtasida hamkorlikdagi ta’limni toʻgʻri yoʻlga qoʻyish va yuqorida keltirib oʻtilgan omillarni hisobga olgan holda oʻquv faoliyatini yoʻlga qoʻyish amalga oshirilinayotgan ishlarning yanada samarador boʻlishiga yordam beradi.