Патоморфологических характеристик миндалин при хроническом тонзиллите

Кириш. Сурункали тонзиллит (СТ) замонавий оториноларингологиянинг энг долзарб муаммоларидан бири бўлиб, муҳим ижтимоий ва тиббий аҳамиятга эга. Турли муаллифларнинг маълумотларига кўра болалар орасида СТнинг тарқалиши 43,8 фоизгача, катталарда эса 31,1% гача етади [2]. Ўзбекистонда турли муаллифларнинг маълумоти бўйича аҳоли орасида СТ 16-21 фоизгача учрайди [6].

Бодомча безлари - махсус фундаментал махаллий химоя вазифаларига эга лимфэпителиал тузилма бўлиб, иммун тизимнинг сиртқи аъзоси ҳисобланади ва ҳужайравий ҳамда гуморал иммунитет реакцияларини ривожланишида бевосита иштирок этади [5.1,3].

Сурункали тонзиллит организмнинг алоҳида аъзо ва тизимларининг шикастланиши билан боFликлиги тyFрисидаги маълумотлар хилма-хил булиб, бугунги кунда ушбу боFликликлар турли олимлар орасида бахс-мунозараларга сабаб булмокда. Ҳар хил даврда сурункали тонзиллит туфайли келиб чиққан тонзиллоген касалликларнинг (метатонзилляр, бирга қўшилган) сони 10 тадан бир неча 100 тагача ташкил килган. Юрак кон-томир тизимини, таянч аъзоларни, шунингдек буйракларнинг муртак безларидаги инфекция ўчоғидан шикастланиши эҳтимоллиги эътироз этиб бўлмайдиган ҳақиқатдир. Бу ҳолатни эътиборга олмаслик ҳавфли бўлиб, уларни ўз вақтида даволаш ва профилактик чораларини амалга оширмаслик организмда турли асоратланган касалликларни ривожланишига олиб келиши мумкин [4,7,8].

Маълумки бугунги кунда СТни даволашда эришилган ютуқларга қарамай, мазкур касаллик қайталанишга мойил бўлибгина қолмай, турли аъзо ва тизимларда метатонзилляр асоратларни ривожалишида етук сабабчилардан бири булиб колмокда.

Тадқиқотнинг мақсади. Сурункали тонзиллитда танглай муртакларида патоморфологик ўзгаришларнинг ўзига хослигини ўрганиш.

Материал ва тадкикот усуллари. Биз ушбу тадкикот ишимизда олдимизга қўйилган мақсадга эришиш ва тегишли вазифаларни амалга ошириш учун 137 нафар беморлардан СТ туфайли олинган танглай муртакларини патоморфологик текширувини амалга оширдик ва олинган натижаларни таҳлил қилдик. Тадқиқот материали Андижон давлат тиббиёт институти Оториноларингологи кафедрасининг клиник базасида (институт клиникасининг оториноларингология булими) 2019-2021 йиллар давомида ўтказилган тонзиллэктомия ва тонзиллотомия ташрихидан олинган материаллардан иборат бўлди. Сурункали жараён икки томонлама бўлганлиги туфайли икки томонлама тонзиллэктомия ва/ёки тонзиллотомия ташрихидан сўнг олинган танглай муртакларининг бир томони тукимаси текширилди.

Тонзиллэктомия ва/ёки тонзиллотомия ташрихидан олинган танглай муртакларидан дарҳол 1.5х1.5х1.0 смдан 2.0х2.0х2.5см гача бўлган ўлчамда тўқималар олиниб, фосфат буфери (pH 6,8-7,0) эритмасида тайёрланган 4 % - нейтрал формалинга солиб котирилди. Спиртда ва хлороформда суви кочирилгандан сунг булаклар парафин блокларига куйилди. 4-5 мкм калинликдаги тукима кесмалари гематоксилин ва эозин билан Ван-Гизон, хамда ШИК-реакцияси усулида буялди. Танглай муртагининг бўялган тўқимаси кесмалари электрон микроскопи остида ўрганилди ва олинган натижалар тахлил килинди.

Натижалар : Барча беморларни 4та гурухга булиб ургандик (1-жадвал). 1-гурух 7 нафар беморларда тонзиллотомиядан сўнг яллиғланишсиз этиологияли касалликлар туфайли, соFлом танглай муртагининг тукималари намуналаридан иборат булди. 2-,3-ва 4-гурухлар Б.С.Преображенский ва В.Т.Пальчун буйича клиник таснифга мувофик СТ турли шакллари ривожланган беморлардан иборат булди. 2- гурухга СТ оддий шакли билан хаста 10 нафар бемор, 3-гурухга консерватив даво муолажаларнинг самараси булмаган СТнинг токсико-аллергик шакли I-боскичи билан OFриган 56 нафар беморлар ташкил этди. 4- гурух эса СТнинг II-боскичдаги токсико-аллергик шакли ривожланган беморлардан иборат бўлди.

1-жадвал.

Тадқиқот гуруҳларининг тақсимланиши

1-жадвалдан англаш мумкинки, жами 137 нафар беморлардан олинган материаллардан I-гуруҳ (соғлом) – 7 (5,1%) нафарни, II-гуруҳ – 10 (7,2%) нафар СТ оддий шакли билан, III-гуруҳ – 56 (40,8%) нафарни СТни токсико-аллергик шакли I-босқичдаги ва IV-гуруҳ 64 (46,7%) нафар СТнинг токсико-аллергик шакли II-босқичидаги беморлар ташкил этди.

Ушбу беморларда бодомча безларини Б.С.Преображенский бўйича патологоанатомик синфланишидан фойдаланиб пато-морфологик жиҳатдан текширдик (2- жадвал).

2-жадвал.

Бодомча безларини пато-морфологик та^лили натижалари

Ўрганилган пато-морфологик текширувлар натижаларига кўра 1-гуруҳдаги барча беморларда аниқ патологик ўзгаришлар кузатилмади. 2-гуруҳдаги беморларнинг 70% да (7 нафар) сурункали юзаки тонзилляр лакунит, 2 (20%) нафарида сурункали паренхиматоз тонзиллит, 1 нафар беморда эса тонзиллитнинг юзаки паренхиматоз-склеротик тури кузатилди.

3-гуруҳдаги 56 нафар беморларнинг 8 (14,2%) нафарида сурункали юзаки тонзилляр лакунит, 73,2 фоизида (41 нафар) сурункали паренхиматоз тонзиллит, 7 (12.5%) нафар беморларда эса юзаки паренхиматоз-склеротик тонзиллит ривожланганлиги аниқланди.

4-гуруҳни ташкил этган 64 нафар беморлардан 21 (32,8%) нафарида сурункали паренхиматоз тонзиллит, 53,1 (34 нафар) фоиз беморларда юзаки паренхиматоз-склеротик тонзиллит, 9 (12.5%) нафар беморларда эса СТнинг чуқур склеротик тури кузатилди.

Олинган натижалар таҳлилига кўра танглай муртаги нотекис қалинлашган етук кўп қаватли ясси эпителий билан қопланган ўрта даражада дискератоз ва ўчоқли саёз акантоз аниқланди. Намуналарнинг 82,8 фоизида ўртача даражада, 17,2 фоизида эса бодомсимон безларнинг қаттиқ ифодаланган склеротик деформацияси қайд этилди. Намуналарнинг 89,1 фоизида ўртача ва 10,9 фоизида яллиғланиш жараёни белгиларисиз сурункали инфильтрация ривожланиши аниқланди. Намуналарнинг 28,1 фоизида эса ўртача етук грануляцион тўқималар билан ифодаланган крипталар юзасининг ўртача ифодаланган яраланиши аниқланди. Ушбу гуруҳдаги намуналарнинг 42,2 фоизида кўп крипталарнинг облитерацияси, бир неча микроорганизмларнинг ўз ичига олган конгломератлар мавжудлиги кузатилди. Барча материалларда лимфоид фолликулалар камайиши кузатилди.

Барча гуруҳдаги биоптатларда бодомча безининг эпителий қатламида қуйидаги ўзгаришлар кузатилди. Лакуналар ва шохланган крипталар юзасида, асосан эпителий қопламида ретикуляция жараёни, крипталар деворларида папиляр хосилалар яъни ўсимталар топилди. Шунигдек бодомсимон безнинг паренхимасида гиперплазия, фолликулалар инволюцияси каби ўзгаришлар кузатилди. Баъзи материалларда эса фолликулалар гиперплазияси, безнинг марказида кўп сонли лимфобластлар ва ретикуляр ҳужайралар аниқланди. Бириктирувчи тўқима шаклланиши гиалиноз ривожланишига сабаб бўлганлиги, шу билан бирга қон томирларда кенгайиш ва васкулит белгилари ҳам кузатилди.

Хулоса. Сурункали тонзиллитда танглай муртакларида ўтказилган текширув натижаларининг таҳлилига кўра ушбу касалликнинг оддий шакли юзаки тонзиляр лакунит, биринчи босқичдаги токсико-аллергик шакли паренхиматоз яллиғланиш, иккинчи босқичи эса чуқур склеротик ўзгаришлар билан кечувчи пато-морфологик жараёнларнинг юқори даражада ривожланиши билан тавсифланди.

АДАБИЁТЛАР

• 1.    Дергачев B.C. Иммунореабилитация при хроническом тонзиллите / B.C.Дергачев, A.C.Хабаров // Сб. ст. всерос. конф. «Лимфоэпителиальные образования верхних дыхательных путей в норме и патологии». – Белокуриха, 2002 г. - С. 96-101.

• 2.    Карпенко А.В., Сибгатуллин Р.Р., Бойко А.А., Чуманихина Н.С., Ломтева E.Ю., Лаврова М.В., Костова М.Г., Николаева О.М. Хирургический подход к лечению местно-распространенного рака ротоглотки // Опухоли головы и шеи. – 2018. - Т. 8. -№ 3. - С. 37-45.

• 3.    Кротов Ю.А. К вопросу о механизмах местного иммунитета слизистой оболочки глотки / Ю.А. Кротов, К.И. Нестерова // Сб. ст. всерос. конф. «Лимфоэпителиальные образования верхних дыхательных путей в норме и патологии». Белокуриха, 2002. - С. 132-136.

• 4.    Насыров М.В., Бакиева К.К. Сосудистая опухоль тонзиллярной области // Международный студенческий научный вестник. - 2018. - № 2. - С. 7.

• 5.    Туаева И.Б., Бадоева З.А., Габараева Л.Н., Гудцова А.П., Чехоева А.Н., Сафарова З.Г. Современное состояние онкологической заболеваемости в республике Северная

  Осетия – Алания // Международный журнал прикладных и фундаментальных исследований. - 2019. № 4. - С. 140-44.

• 6.    Хасанов С.А., Кирсанов В.Н. Особенности клиники и хирургического лечения хронического тонзиллита у больных с тиреоидной патологией // Вестник оториноларингологии, - 1997, - №5, - С.34-36.

• 7.    Ястремский А.П., Рудзевич А.В., Колчанова В.К., Коротаева Л.П. Pедкий случай локализации гемангиомы глотки // Медицинская наука и образование Урала. - 2012. -Т. 13. - № 3-1 (71). - С. 123-124.

• 8.    Altin G., Sanli A., Erdogan B.A., Paksoy M., Aydin S., Altintoprak N. Huge internal carotid artery aneurysm presenting as tonsillar asymmetry. J. Craniofac Surg. - 2012. - № 23 (5). - Р. 1565-1567.

• 9.    Gillison M.L. Human papillomavirus-associated head and neck cancer is a distinct epidemiologic, clinical, and molecular entity. Semin. Oncol. - 2004. - V. 31. - № 6. - P. 744754.