Yoshlarda ortiqcha vazn va semirishning tarqalishi

Semirib ketish va ortiqcha vazn global sogʻliqni saqlash muammolaridan biri hisoblanadi. Soʻnggi paytlarda aholining barcha yosh guruhlari, ayniqsa, yoshlar oʻrtasida semirishning yuqori darajada tarqalishi va vazn yoʻqotishga qaratilgan terapevtik tadbirlarning samaradorligi pastligi tufayli unga qiziqish sezilarli darajada oshdi. Semizlik arterial gipertenziya, ateroskleroz, qandli diabet, metabolik sindrom, kabi oqibatlarning mavjudligi sababli jiddiy muammo hisoblanadi. Shuning uchun semirish epidemiologiyasi haqidagi bilimlar ushbu yoʻnalishda keyingi ishlarni amalga oshirish zarurligini koʻrsatadi.