Геронт аҳоли популяциясида коморбид касалликлар эпидемиологияси

Кириш. Умр кўришни узайиши коморбид касалликларни, бир вактда 2 тадан кам бўлмаган касалликлари бўлган ахоли сонини, ортишига олиб келди. Коморбидлилик турли аъзолар функциясини камайишига, когнитив бузулишлар ва кексалик учун хос бўлган синдромларни келиб чикишига, ногиронлик ва барвақт ўлим кўпайишига олиб келувчи хатар омили бўлиб хисобланади (С.К. Зырянов ва б.қ., 2023; Horodinschi R.N. et. al., 2019). Кекса ахолида нисбатан кўп учрайдиган коморбид касалликларни бўлиши умр кўришни 12 йилдан 15 йилгача етиб қисқариши билан ассоцияцияланади (Marshall B. et. al ., 2020) .

Коморбид касалликлар кексаларда тез-тез учрайди. Мавжуд тадқиқотларнинг маълумотларига кўра кексаларда (60-74 ёшлилар) 49% тарқалиш частотаси билан тасдиқланади (Zhu H. et. al., 2019) ва яқин йилларда уларни ўсиб боришини давом этиши башоратланади. Чунончи 2035 йилга бориб коморбидлик билан яшовчи аҳоли сонини 86,4% га ортиши прогноз қилинган (Peng R. et. al., 2019).

Кексалик ҳам хатар омили сифатида кўрилади ва у кўпчилик коморбидлиликлар билан (ноинфекцион сурункали касалликларни асосан таркибига киритиб) кучли ассоциирланади. Лекин бундай ассоциацияланишларни прогнози ва сабаблари геронт ахолида тўлиқ ўрганилмаган.

Коморбид касалликларни бошланиш даври 10-20 йил ўтиб кўпинча одатда асоратлар келиб чиқади. Шундай экан, касаллик бошланиши ва асоратларни келиб чиқиши орасидаги давр скрининг (эпидемиология), профилактика ва даволаш учун жуда муҳимдир. Барвақт аниқлаш ва даволашни бу даврда амалга ошириш билан биринчи асосий касалликни, коморбидлик хавфини камайтириш мумкин ва/ёки унинг авжланиб боришини секинлаштириш мумкин бўлади.

Нечта геронт – ахоли Ўзбекистон шароитида коморбид касалликларга эга?, Хар бир ахолида касалликни коморбидликдаги хиссаси қанча бўлади?, Коморбидликни гентерли фарқлари Ўзбекистон шароитида қандай ифодаланади?, геронт ахоли ўлимида коморбидликни хиссаси қанчалик улкан? каби саволларга жавоб то хозиргача фанда очиқ қолган ёки Ўзбекистон шароитида – жавоб йўқ. Буларни аниқ англаб олиш учун эса эпидемиологик тадқиқотлар керак бўлади, қайсиларки профилактика тадбирлари ва дастурларини коморбидликка нисбатан ишлаб чиқиб бериш учун асос бўлиб хизмат қилади.

Лекин то хозиргача геронт ахоли популяциясида, Ўзбекистон шароитида, бундай мазмунли эпидемиологик тадқиқотлар ўтказилмаган. Юқорида зикр этилган масалалар эпидемиологик тадқиқот учун объект сифатида олиниб ўрганилмаган ва/ёки шундай мохиятли текширувларга эҳтиёж хамда зарурат туғилган.

Шулардан келиб чиқиб мазкур диссертация мавзуси режалаштирилди.

Тадқиқот мақсади – коморбид касалликларни ва уларнинг хатар омилларини тарқалишини Ўзбекистоннинг турли минтақаларида истиқомат қилувчи геронт ахоли популяциясида ўрганиш, самарали ташхисоти ва профилактикаси усулларини ишлаб чиқишдан иборат.

Тадқиқотнинг асосий вазифалари:

• 1.    Коморбид касалликларнинг тарқалишини Ўзбекистоннинг геронт ахолисида ўрганиш ва қиёслаб баҳолаш.

• 2.    Ўзбекистоннинг турли минтақаларини геронт ёшдаги ахолиси орасида коморбид касалликларнинг асосий хатар омилларини ўрганиш ва эпидемиологик хос хусусиятларини аниқлаш.

• 3.    Ўзбекистоннинг геронт популяциясида коморбид касалликларни гендерли жиҳатларини ўрганиш ва аниқлаш.

• 4.    Ўзбекистоннинг турли минтақаларини геронт ёшдаги ахоли популяциясида коморбид касалликларнинг энг етакчи хатар омилларини ўрганиш ва аниқлаш, уларнинг коморбидлик билан боғлиқлари даражасини баҳолаш.

• 5.    Ўзбекистоннинг турли минтақаларини қишлоқ ва шахар геронт ахолисида коморбид касалликларининг хамда уларнинг хатар омилларини эпидемиологик тавсифларини ўрганиш ва аниқлаш.

• 6.    Ўзбекистоннинг турли минтақаларида истиқомат қилувчи геронт обориген ва келгинди ахолиси популяциясида коморбид касалликларининг эпидемиологик хусусиятларини қиёслаб ўрганиш ва аниқлаш.

• 7.    Геронт ахоли популяциясида ёшга боғлиқ холда коморбид касалликларни шаклланишининг эпидемиологик механизмлари ва клиник кечишининг хос тавсифларини ўрганиш хамда аниқлаш.

• 8.    Геронт ахолида коморбид касалликларни ўрганиш ва барвақт аниқлашнинг эпидемиологик тизимини ишлаб чиқиш хамда амалий фаолият учун жорий қилиш.

• 9.    Ўзбекистоннинг турли минтақаларини геронт ахолиси учун коморбид касалликларни профилактикаси моделини ишлаб чиқиш ва амалиётга тавсия этиш.

• 10.    Геронт ахолида коморбидликни прогностик шкалаларини ишлаб чиқиш ва амалий фаолият учун тақдим этиш.

Кўпчилик касалликлар учун коморбидликни икки томонлама таъсири кўрсатилган, қачонки битта касалликни бўлиши бошқасининг келиб чиқиш хавфини ёки оғирлигини одатда оширади, ва аксинча. “Коморбид касаллик 1” ва “Коморбид касаллик 2”ни икки томонлама таъсири 4 та омиллар иштирокида бўлади: 1) хатар омиллари (семизлик, диабет, гипертензия, чекиш, дислипидемия); 2) соматик омиллар (вегетатив тизим, гемостаз, томирлар, оксигенация, яллиғланиш, оксидативли стресс, гормонлар, электролитли мувозанат, ирсият); 3) руҳий омиллар ва хулқ – атвор (даволанишга риоя қилиш, хулқ –атвор –стратегияси, стресс, депрессия, ташвиш); 4) дори – дармонлар (Wium – Andersen M. et. al., 2020; Белялов Ф.И., 2022; Бойцов С.А. и соавт., 2023).

Бу каби номақбул шароитда якдил саломатликни сақловчи протектив эпидемиологик муҳитни ва қайд этилган хатар омилларини бартарафловчи соғлом турмуш тарзини кекса – геронт ахолида муъаян мамлакат ва иқлимий – географик минтақаларда яратиб бериш – соғлом ва фаол хаётни узайтириш, узоқ умр кўрувчиларнинг хаётий салоҳиятларини амалга ошириш, ногиронлик ва ўлимни камайтириш учун устувор аҳамият касб этади.

Хулоса. Хозиргача даврда 86 ёшдан ўтган ахолида, хусусан, асосий касалликлар кескин ифодаланиб юқори кўрсаткичлар билан қуйидагича қайд қилина бошланганлиги тадқиқотларда кўрсатилган: юрак ишемик касаллиги – 84,4%, ўпканинг сурункали обструктив касаллиги – 41,1%, қандли диабет – 36,3%, бўлмачалар фибрилляцияси – 43,5%, буйракларни сурункали касаллиги – 34,0%, инсульт – 34,5%, ўткир миокард инфаркти – 12,3%, артрит – 36,2%, ўпка раки – 1,1%, простата раки – 4,5% сон суягини синиши – 17,2%, эндометрия раки – 0,4% ва х.к. (Ramos R. et. al., 2020). Ушбу касалликлар коморбидликнинг қуйидаги турларини келтириб чиқариб муҳим роль ўйнашади: “тасодифий коморбидлик” – касаллик ўзаро бир бирларига боғланишмаган; “сабабли коморбидлик” – умумий сабаб иккала касалликни чақиради; «асоратланган коморбидлик» - асосий касаллик бошқасини чақиради; «кластерли коморбидлик»-холат ўзаро боғланган, лекин муносабатлари характерини бир хил аниқлаб талқин қилиш мумкин бўлмайди (Schafer I. et. al., 2010).

АДАБИЁТЛАР:

• 1.    Акарачкова Е. С. и др. Стрессы, коморбидность и качество жизни пожилого пациента //Трудный пациент. – 2019. – Т. 17. – №. 10. – С. 19-27.

• 2.    Арьева Г. Т. и др. Коморбидные и мультиморбидные состояния в гериатрии (обзор) //Успехи геронтологии. – 2011. – Т. 24. – №. 4. – С. 612-619.

• 3.   Вербовой А. Ф., Цанава И. А., Вербовая Н. И. Медицина XXI века: в фокусе

  коморбидность //Университетская медицина урала. – 2017. – Т. 3. – №. 2. – С. 27-31.

• 4.   Вёрткин А. Л., Румянцев М. А., Скотников А. С. Коморбидность в клинической

  практике. Часть 1 //Архивъ внутренней медицины. – 2011. – №. 1. – С. 16-20.

• 5.    Кулишова Т. В. и др. ЭФФЕКТИВНОСТЬ МАГНИТОТЕРАПИИ В ЛЕЧЕНИИ ОСТЕОАРТРОЗА У ПОЖИЛЫХ БОЛЬНЫХ СВЫСОКОЙ КОМОРБИДНОСТЬЮ //Кардиоваскулярная терапия и профилактика. – 2018. – Т. 17. – №. S. – С. 35a-35b.

• 6.    Нургазизова А. К. Происхождение, развитие и современная трактовка понятий «коморбидность» и «полиморбидность» //Казанский медицинский журнал. – 2014. – Т. 95. – №. 2. – С. 292-296.

• 7.    Ризаев Ж. А. и др. Значение коморбидных состояний в развитии хронической сердечной недостаточности у больных пожилого и старческого возраста //Достижения науки и образования. – 2022. – №. 1 (81). – С. 75-79.

• 8.    Садовская О. Г., Гавриленко Л. Н. Полифармакотерапия у пожилых пациентов с коморбидностью: повышение комплаентности и безопасности лечения (обзор литературы) //Вопросы организации и информатизации здравоохранения. – 2019. – №. 1. – С. 120-134.

• 9.    Тарловская Е. И. Коморбидность и полиморбидность-современная трактовка и насущные задачи, стоящие перед терапевтическим сообществом //Кардиология. – 2018. – Т. 58. – №. 9S. – С. 29-38.

• 10.    Шарашкина Н. В. и др. Падения и другие гериатрические синдромы у пожилых людей с коморбидной патологией //Клиническая геронтология. – 2020. – Т. 26. – №. 1-2. – С. 9-14.

RHJ-1-2024