Оила шифокори амалиётида фертил ёшидаги аёлларни асоратсиз ногонококли сийдик йўли инфекцияси хасталикларида самарали даволаш

Кириш: Ҳозирги кунда кўплаб маълумотлар таҳлилидан маълумки, асоратланмаган ногонококли сийдик йўли инфекциялари ўзининг зарарлаш таъсир доирасига кўра аҳолининг турли ёшдаги қатламларини кенг қамраб олиб, уларнинг соғломлик даражасига жиддий салбий таъсир кўрсатмокда. Масалан: АҚШда бир йилда сийдик йўли инфекцияси(СЙИ) хасталиги билан етти миллион бемор мурожаат этса, шундан икки миллиони ўткир цистит ҳолатига тўғри келади. Айниқса фертил ёшидаги аёллар(ФЁА) бу хасталикларга анатомо - физиологик нуқтаи назардан мойиллиги юқори бўлганлиги учун, уларнинг 25-30% да бу хасталик учрайди. ФЁАда 17 ёшдан бошлаб СЙИ ривожланиш хавфи ортади ва 20-40 ёшдаги аёлларнинг 3/4 қисмида учрайди. Жинсий ҳаёт билан яшаётган аёлларда бундай ҳолат бир неча бор кўпроҳ учрайди ва ёш ортиб бориши билан сурункали тус олади [2,3]. Оила шифокорининг кундалик қабулидаги барча беморларнинг ¼ қисми сийдик йўли инфекцияси хасталиги билан мурожаат этадилар.

Соғлиқни сақлаш тизимининг бирламчи бўғин шароитида сийдик йўли инфекциялари олдини олиш ва даволаш муаммоси оила шифокоридан катта масъулият талаб қилади. Чунки даволаш мақсадида қўлланилаётган антибиотикларни СЙИ микробининг турини аниқламай туриб, ҳисобсиз тавсия этиш эса шу дориларга резистентликни келиб чиқишига сабаб бўлиш билан бирга иммун тизимни сусайишига сабаб бўлади, ҳамда даволаш самарадорлигини пасайтиради, шу билан бирга оила иқтисодиётига зарар етказади. Натижада ФЁА репродуктив саломатлигига ҳам ва ҳаёт сифатига жиддий хавф туғилади. Бундай оқибатлар келиб чиқмаслиги учун хасталикларни бизнинг амалиётимизда поликлиника шароитида ташхислаш, даволаш, реаблитация қилишда оила шифокори учун жахон стандартлари талаблари асосида иш олиб бориш муҳим ўрин тутишини такидламоқчимиз.

Мақсад: Оила шифокори иш фаолиятида ФЁАларда ногонококли СЙИ хасталиги муаммосини сийдикдаги бактериянинг турини ва шу бактериянинг антибиотикларга сезувчанлик даражасини аниқлаб ташхислаб, самарали даволаш ва профилактик чора тадбирларни қўллаш.

Материаллар: Бириктирилган ҳудудда СЙИ хасталиклари билан мурожаат этган 46 та фертил ёшдаги аёллар назоратга олиниб, кузатув олиб борилди. Назорат гуруҳига 23 та фертил ёшдаги аёллар олинди. Беморларнинг 23таси (50%) жинсий ҳаёт кечирмайди, 23таси (50%) жинсий ҳаёт кечиради. Баҳолаш мезонларига қуйидагилар асос қилиб олинди: аёллар ёши 15-49 гача, шу ёшдаги аёллардан сийдик тош касаллиги, сийдик йўли аномалияси, структураси, қандли диабет, сийдик йўлига катетер қўйилмаган ва ҳеч қандай жарроҳлик амалиёти ўтказилмаган, иммунодефицит ҳолати бўлмаган беморлар. Беморларнинг СЙИга шикояти, анамнез маълумотлари, объектив белгилари, лаборатория ва инструментал текширув хулосалари, клиник ташхис асослари ва даво тавсиялари № 025 шаклидаги амбулатор беморнинг тиббий ҳужжатларига туширилди. Беморларга тавсия этилган даво чоралари давомийлиги, хасталикни қайталаниш ҳолатлари, муолажа ўтказиш сифатлари назоратга олинди. Барча 46 та беморларга тўла гигиеник талаблар асосида, сийдикни анализ учун қандай олиш қоидаси тушинтирилди, хамда сийдикни бактериологик экиш ва микробнинг антибиотикларга сезувчанлигини аниқлаш тавсия этилди.

Натижалар: Мурожаат этган барча ФЁАларда клиник симптомлар мажмуаси қуйидаги кўринишни олди: дизурия – 44 (95,6%), тез-тез сийдик келиш ҳисси -36(78,2%), сийдик тута олмаслик - 30(65,1%), қов соҳада оғриқ 29(63,4%), бел соҳада оғриқ -28(60,8%), иситма-35(76,0%), титраш- 25 (54,3%), терлаш- 23 (50,0%), гематурия- 4 (8,6%) беморларда кузатилди. Охирги йиллар маълумотларида қайд этилишича текширувлардан маълумки сийдик йўли инфекцияси бор ФЁАларнинг ¾ қисмида Esherichia colli бактериялари топилиб, сийдикнинг ўрта порциясидаги концентрацияси 10²-10⁴ мл ^-1 ташкил қилади [1,4]. Бизнинг текширувимиздаги ФЁАда сийдик йўли инфекцияси қўзғатувчиларининг тартиби қуйидагича бўлди (жадвал №1):

Жадвал 1

ФЁАларда СЙИ қўзғатувчиларининг таркиби

Чет эл шунингдек, Россия олимларининг таъкидлашича уропатоген микроблар инфраструктурасида ичак инфекциялари салмоғи камаяётгани билан миқдор жиҳатидан устунлиги сақланиб турибди. Шу билан бирга клотримаксазол билан эмпирик давога микробларнинг сезувчанлиги камайиб бораётганлиги айтилмоқда [2,4]. Юқоридаги микробиологик текширувларга назар солсак, энг кўп касаллик қўзғатувчи микроблар гуруҳи Esherichia colli гуруҳи бўлиб 60,8% ни, стафилакоккли инфекциялар 17,4%, бошқа инфекциялар 21,8ни ташкил этди. Касаллик қўзғатувчи микроблар таркиби жинсий ҳаёт кечирувчиларда хилма-хиллиги билан фарқ қилди. СЙИ хасталиги билан беморларни самарали даволашда анемнезга, хасталик даражасига, инфекциянинг сийдик йўлида жойлашув жойига ва албатта антибиотикларга сезгирлигига боғлиқ томонларини тўла ўрганиб чиқиш керак. Назоратимиздаги беморларда асоратланмаган сийдик йўли инфекцияси асоратли касалликларнинг нозологик кўриниши сурункали пиелонефрит билан 15 (32,6%), сурункали цистит 10 (21,7%), уретрит 19 (41,3), ўткир пиелонефрит 2 (4,4%)ни ташкил қилди. Беморларда СЙИнинг антибиотикларга сезувчанлик ҳолатлари қуйидагича бўлди (жадвал №2):

Жадвал 2

ФЁАларда антибиотикларга сезувчанлик ҳолатлари

Esherichia colli инфекцияси оқибатида келиб чиққан, амбулатор беморларни даволашда, цефолоспоринларнинг III қатори препаратлари (цефтироксон, цефазолин Na) хасталикларда юқори активликка эга эканлигини бир қатор изланувчилар эътироф этишган[1,5]. Бизнинг кузатувимизда цефалоспоринлар сийдик йўли инфекцияси хасталикларини даволашда бошқа турдаги антибиотикларга нисбатан ўз активлигини сақлаб қолганлиги кузатилди. Беморларни даволашда антибиотиклардан Р (personal) препарат танлаб олиниб, 7-10-14 кунлик схемада даволаш ўтказилди. Қўшимча восита сифатида анъанавий воситалар қўлланилди. Микроб эрадикациясини тезлатиш мақсадида кун давомида 1-2 литргача суюқликлар (шарбатлар, компотлар, гиёҳлардан тайёрланган сийдик ҳайдовчи чойлар, суюқ овқатлар) тавсия этилди. Кузатувимиздаги беморларда назорат гуруҳидаги беморларга нисбатан самарали натижалар: клиник белгиларнинг турғун камайиши, касаллик давомийлигининг қисқариши, ишга лаёқатлиликнинг бузилмаслиги, асоратларнинг юзага келмаслиги, фертил ёшдаги аёллар саломатлик сифатларини яхшиланиши, бактерияурияни тез барҳам топиши ҳамда беморларни стационар давога эҳтиёжининг камайиши ҳамда даволанишга сарф бўлган харажатнинг камайиши билан намоён бўлди. Лекин шуни эътироф этиш керакки, бактериологик натижалар тайёр бўлгунга қадар маълум вақт (48 соат) сарф бўлди. Бу даврда исботларга асосланган тиббиёт тавсиясига кўра эмприк даво терапияси қўлланилади.

Хулоса: 1. Амбулатор беморларда бактерияурия ва микробларни антибиотикларга сезгирлигини аниқлаш асосий ташхисий мезонлардан бири ҳисобланади. 2. Фертил ёшдаги бемор аёлларда бу усулни қўллаш стационарга йўлланаётган беморлар сонини камайтиради. 3. Беморларни оилавий харажатларини тежашга ёрдам бериб, маънавий ва иқтисодий зарарни камайтиради. 4. ФЁАларда репродуктив фаолиятга хавф камаяди, беморлар ҳаёт сифатини яхшиланади. 5. ФЁАларда ёш ўтиши ва турмушга чиқиб, жинсий ҳаёт кечириш даврида профилактик мақсадда бактерияурияни аниқлаб туриш фойдали бўлиб, ижобий натижа кўпроқ бўлади.

АДАБИЁТЛАР

• 1.    Naber KG, Bishop МС, Bjerklund-Johansen ТЕ, et al. Guidelines on the management of urinary and male genital tract infections. European Association of Urology (update 2012), 2012. ISBN 90-70244-37-3.

• 2.    Foxman B. Epidemiology of urinary tract infections: incidence, morbidity, and economic costs. Am J Med 2012; 113(Suppl 1A):5S-13S.

• 3.    Рафальский B.B., Малаев И.В., Рохликов И.М., Деревицкий А. В. Неосложненные инфекции мочевыводящих путей: динамика устойчивости основных возбудителей в России./media/refer/06_07/58.shtml:: Sunday, 18-Feb-2007 19:12:53© Издательство Media Medica, 2010. Почта : редакция , webmaster MSK

• 4.    Сидоренко C.B., Иванов Д.В. Результаты изучения распространения антибиотикорезистентности среди возбудителей внебольничных инфекций мочевыводящих путей. Антибиотики и химиотерапия 2005; 50(1): ст.3-10.

• 5.    Яковлев С. В. Антибактериальная терапия внебольничных неосложненных инфекций мочевыводящих путей с позиций современного состояния антибиотикорезистентности. Справочник поликлинического врача. Российский медицинский журнал 2005 год. №7 ст. 43-49.