XXI зууны эхэн үеийн монгол улсын утга зохиолын шүүмжлэлийн судалгаа

Товч агуулга. Тус өгүүлэлд ХХI зууны эхэн үе буюу 2001-2021 оны утга зохиолын судлал, шүүмжлэлийн талаар өгүүлжээ. Чингэхдээ монголын утга зохиолын шүүмжлэлийн түүх, түүний туурвил зүйн онцлог, бичлэгийн төрөл хэлбэрүүд төлөвшин тогтсон, хуримтлуулсан туршлага, алдаа оноог онол — түүхийн үүднээс он цагийн хэлхээс дунд нь нягт нямбай шүүн үзэж, орчин үеийн арга зүйг ашиглан уран сайхны шүүмжлэлийн онолын сэтгэлгээний түүхэн хөгжлийн зүй тогтлыг тодорхойлон тогтооход анхаарлаа хандуулсан байна. Шинэ зуун гараад монголын утга зохиол жам зүйнхээ дагуу хөгжиж, утга зохиолын шинэ хөгжил хийгээд өмнөх үеийн их өв санг уламжлалт хийгээд шинэ тутам гарах судалгаа шинжилгээний онол, арга зүйн үүднээс судлан шинжлэх ажил эрчимтэй өрнөж байгаа тул тэрхүү судлал шүүмжлэлийн ажлын үр дүнг цаг алдалгүй багцлан, оноо, алдааг нь шүүн хэлэлцэх нь чухал юм. Энэхүү судалгааны ажилдаа дээрх асуудлыг баримтжуулах замаар шинэ зууны монголын утга зохиолын онол, шүүмжийн ерөнхий тойм, сэтгэлгээний төлөвшлийг тодруулжээ.