Jismoniy faollik bo‘yicha xalqaro so‘rovnoma (IPAQ) ning o‘zbek tilidagi versiyasi: lingvistik va madaniy moslashtirish natijalari

IPAQ (International Physical Activity Questionnaire) jismoniy faollik darajasini standartlashtirilgan tarzda baholash uchun xalqaro miqyosda keng qo‘llaniladigan instrument hisoblanadi. Ushbu maqolada IPAQ qisqartirilgan shaklining o‘zbek tilidagi versiyasi taqdim etildi. Moslashtirish xalqaro tavsiyalar asosida amalga oshirilib, tarjima, qayta tarjima va ekspert baholash bosqichlarini o‘z ichiga oldi. O‘zbek tilidagi versiyada original so‘rovnomaning mazmuni va baholash tamoyillari saqlab qolingan. Mazkur versiyadan populyatsion, epidemiologik va klinik tadqiqotlarda foydalanish mumkin.