Zamonaviy suv tejamkor yomg‘irlatib (pivot) sug‘orishning markazlashgan tizimini ishlab chiqarishga joriy etish

Ushbu sug’orish texnologiyasi o’zining har qanday relyefga moslashuvchanligi, ko’p funksiyaliligi, va masofadan turib ishchi kuchi talab etmasdan o’simliklarni sug’orish, zararkunandalarga qarshi dorilash va mineral o’g’itlar bilan ta’minlashi bilan boshqa sug’orish texnologiyalardan farq qiladi. Xususan, “Markazlashgan pivot sug’orish texnologiyasi” bu suv ta'minotiga ulangan markaziy burilish nuqtasi atrofida aylanib harakatlanadigan quvurli inshootdir. Markazlashgan pivot sug'orish tizimi eng keng tarqalgan o’lchami 400 m (R-200 S-12.56ga) standart mashinadir. U o’zining sug'orish tizimlari yuqori samaradorligi, sug’orish suvini bir xil miqdorda ta’minlashi va texnik xizmat ko’rsatishda iqtisodiy jihatdan qulayligi bilan ham rivojlangan AQSH, Xitoy, Isroil, Saudiya Arabiston kabi mamlakatlarda eng ommabop sug’orish texnologiyasi hisoblanadi.