Тупроқсувўтлари ва уларни ўрганиш усуллари

Калит сўзлар: Тупроқ , тупроқ сувўтлари, тур ва тур ҳиллари, флора, таксон.

Жаҳонда тупроқ альгофлораси бўйича тадқиқотлар ҳолатини аниқлаш ҳамда уларнинг трансформацияси даражасини баҳолашга қаратилган бир талай салмоқли ишлар олиб борилган. Шунингдек, географик худудлар орасида алоҳида аҳамиятга эга бўлган адир зоналар нафақат юксак ўсимликларга бойлиги, балки асосий альгологик худуд эканлиги билан хам муҳим ҳисобланади. Бу ўринда, айниқса, тупроқ типларининг кўплиги билан ажралиб турган ва турли тупроқ профилларнинг қўшилишидан ҳосил бўлган ҳамда уч хил тупроқ горизонтлари билан фарқланган худуднинг альгофлорасини аниқлаш кенг қамровли ва илмий изоҳга бой таҳлил натижаларини беради. Тупроқдаги А горизонтдан Б ва С горизонтларга қараб альгофлорадаги турлар сонининг ўзгариб бориши ва тадқиқот худудининг шимолий ва жанубий қисмларга ажралиши уларнинг ўзига хос альгофлора таркибига эга бўлишига ҳам олиб келади. Альгофлорани тупроқнинг турли типлари (оч бўз, типик бўз, тўқ бўз, типик жигарранг, оч-кулранг) бўйича алохида тақсимланганлиги тупроқ типларининг характерини янада очиб бериш имконини беради. Айниқса, ўзлаштирилмаган худудлар тупроқларида нафақат альгофлора турларининг хилма-хиллиги, балки уларнинг миқдорий кўрсаткичларга (1 г тупроқда минг ҳужайра ҳисобида) эга эканлиги ўзлаштирилмаган худудлар тупроқлари биохилма -хиллиги мониторингини олиб боришда самарали асос бўлиб хизмат қилади. Шунга кўра, тупроқлар альгофлорасининг тур таркибини аниқлаш, уларнинг тупроқ типлари бўйича фарқланишини илмий асослаш, турлар таркибининг характерига кўра тупроқ типларининг ҳолатини баҳолаш муҳим илмий-амалий аҳамият касб этади. Тупроқ альгофлорасининг таксономик таркиби ва унинг шаклланишига экологик омилларнинг таъсири тўғрисидаги маълумотлар хорижлик олимлар Б.А.Келлер (1926), Н.Н.Болышев ва Т.Н.Евдокинова (1944), Мельникова (1953), Базова (1963), Бут (1963), Манучарова (1972) ва бошқаларнинг ишларида ёритилган.

Республикамизда тупроқ альгофлораси таркибига қаратилган ишлар хам талайгина бўлиб, асосий тадқиқотлар Ш.У. Умарова (1959), К.Ю.Мусаев (1965) У.Н.Тошмухаммедов (1971), Е.К. Троицкая (1961), Ш.Тожибоев (1973) ишларида кўрсатилган. Бу тадқиқотлар Фарғона водийси асосий тип тупроқлари альгофлорасининг тур таркибини замонавий ҳолатини очиб бера олмайди. Тупроқ типларига бой бўлган, ўзига хос альгофлора таркибига ва экологик хусусиятларига эга бўлган турларни ўзида сақлаган, альгофлора таркибига кўра тупроқ типларининг характерини янада очиб бериш имконини бера оладиган Фарғона водийси асосий тип тупроқларининг альгофлораси бўйича илмий-тадқиқот ишлари олиб борилмаган. Шу ўринда, тадқиқот ҳудудидан аниқланган альгофлорани тупроқ типлари бўйича ажратиш, альгофлорадаги турлар сонини қиёсий таҳлил этиш, альгофлорани йил фасллари бўйича фарқланишини илмий асослаш, турлар таркибини ўзгаришида экологик омилларни таъсирини очиб бериш муҳим аҳамиятга эга.

Тупроқ сувўтларини аниқлаш усули 3 босқичга бўлинади:

• 1)    тупроқдан намуналар йиғиш;

• 2)    тупроқ сув ўтларининг таксономик таркибини аниқлаш;

• 3)    сувўтларининг миқдорини аниқлаш.

Альгологик тадқиқотлар учун тупроқ намуналарини тўплашда умумий қоидаларга яъни намуналарни тўғри йиғиш, стериллик, намуналарни этикеткалаш ва сақлаш, ўсимлик қатлами ва тупроқнинг мослик анализини ўтказишга амал қилинди. Намуналарни йиғиш учун танлаган жойнинг ўсимликлари, ер майдони, агротехникасини, тупроқ характеристикаси ўрганиб чиқилди. Ушбу маълумотларнинг ҳаммаси дала журналига қайд этилди. Таркибий тадқиқотлар ўтказилаётганда намунани йиғишда тупроқнинг, микрофлоранинг ва ўсимликларнинг анализи бир вақтда ўтказилди. Тупроқ намуналарини тўплаш билан бир вақтда сувўтларининг мавсумий динамикасини ўрганишда тупроқнинг намлиги, юзанинг умумий кўриниши, намлик даражаси, тупроқнинг механик таркиби эътиборга олинди.

Тупроқ сувўтларини аниқлашнинг биринчи усулига кўра, Фарғона водийси асосий тип тупроқларининг (0-2, 3 см) юза қисмидан намуналар олинди, намуналар олиш учун «кесма» тайёрланди. Аввало тупроқ юзаси кўздан кечирилди. Тупроқда яшил, кўк-яшил ёки жигарранг қопламлар, доғларнинг борлиги визуал тарзда микдорий баҳо беришга яни, хусусан қоплама даражасини кўрсатади. Сўнгра, энг типик жойда 1см қалинликдаги сувўтлар билан тупроқ сирти йиғилди. Тупроқ юза қатламидаги намуналарни сувўтлари билан қопланган юзасига зарар етказмасдан ва тупроқ намунасини бутунлигини сақлаган ҳолда олинди. Бундай намуналарнинг ўлчамлари ҳар хил бўлиб, қанчалик сувўтлари аралаш ва тенг равишда жойлашган бўлса, намунанинг ўлчами шунча кичик бўлиши мумкин. Намуналар 10-50 см2 га тенг бўлган намунавий майдондан олинди. Намуналар генетик горизонтлар бўйича С горизонтни қўшиб олдиндан стерилланган махсус пакетларга солинди. Намуналарни олиш қуйи горизонтдан бошланди.

Тупроқ сувўтларини аниқлашнинг иккинчи усулига кўра, Фарғона водийси асосий тип тупроқларидан сув ўтларининг таксономик таркибини аниқлаш учун сув культура методидан фойдаланилди. Олинган намуналар сувкулътураси методида экилди ва ёруғлик тушиб турадиган жойларда сақланди. Тадқиқот давомида С.Н. Виноградский ва Э.А. Штина усулларидан фойдаланилди [43;144-б], [44; 62-68-б]. Тупрокдаги сувўтларни ҳисоблашдан аввал уни центрифугалаш йўли билан фракцияларга ажратилди. Бунинг учун ўзида сувўтлари сақлаган фракциялар ишлатилди. Тупроқ намунаси 4 мл сувда 2 минут давомида (намуналар бириктирилган бўлса формалинда) чайқатилди, ярим минут тиндирилгандан сўнг чўкма устидаги суспензияни ценртрифугалаш идишига қуйилди, қолган тупроққа 3 мл сув кўшилди, 1минут чайқатиб, ярим минут тиндирилди ва яна центрифугалаш идишига қўйилди. 3 марта ювилгандан сўнг чўкма ташлаб юборилди, чунки бу чўкма ўзида сувўти сақламайди, қўйилган суспензияни бир хил сиғимдаги зичлигини ҳисобга олиб 2 ёки 3 центрифугалаш идишига ажратилди, 2 минут давомида кўлда аралаштирилди. Қолган чўкмаларнинг ҳар бири маълум миқдорда дистилланган сув билан меъёрга етказилди, бу эса суспензиянинг (10-20 мл) қалинлигига қараб ўрганилди. Чўкмани яхшилаб чайқатгандан сўнг, бир томчи олиб препарат ўрганилди ва унда кўринган сувўтларини таксономик таркиби тегишли “Аниқлагич” лардан фойдаланиб аниқланди [Тупроқ сувўтларини аниқлашнинг учинчи усулига кўра, Фарғона водийси асосий тип тупроқларидан олинган намуналардан сувўтларининг миқдорини аниқланди. Тупроқдаги сувўт ҳужайраларининг сони Э.А.Штина (1969) методи бўйича ҳисобланди.

Хулоса қилиб айтганда тупроқ ва тупроқсувўтлари ерларнинг унумдорлигини оширувчи унинг таркиб тузилмасини ижобий баҳоловчи мухим омиллардан бири бўланлиги учун бу йўналишда тадқиқот ишларини янада ривожлантириш муҳимлигини илгари суради.

АДАБИЁТЛАР

• 1.    Аксенова Н.П. Урбанофлора эдафофильных водорослей и цианопрокариот г. Ижевска: / дис. канд. биол. Наук: 03.02.01 – Ижевск, 2010. – 222с.

• 2.    Антипина Г.С. Структура и сравнение альгофлористических комплексов урбанизированных экосистем (на примере города Петрозаводска) // Материалы Международной научно-практической коференции, посвященной 100-летию со дня рождения прфессора Эмилии Адриановны Штиной, 11-15 октября 2010 г. – Киров: Вятская ГСХА, 2010. – С. 25-30.

• 3.    Байрамова Л.А. Водоросли субтропических почв Азербайджана: Автореф. дис.... канд. биол. наук. Баку: АН АзССР, 1965. 24 с.

• 4.    Балезина Л.С. Влияние минеральных удобрений на развитие водорослей в дерновоподзолистой почве // Микробиология. 1975. Т. 44. № 2. С. 341-350.

• 5.    Голлербах М.М., Штина Э.А. Почвенные водоросли. / Л.: Наука, 1969. 228с.

• 6.    Кузяхметов Г.Г. Способ оценки загрязнения почв по морфологическим показателям популяций водорослей // Почвоведение. 1993. № 8. С. 114-117.

• 7.    Мамасолиев С.Т. The soil algae of urban ecosystems (on the example of Andijan).- Наманган. дис.... Phd. биол. : 03.00.05, 2019.

• 8.    Мусаев К.Ю. Водоросли целинных почв сероземов Самаркандской области / ТашГУ – Тошкент.: Труды, Вып. 241. Биологические науки. кн. 44. 1964. – С. 27-39.

• 9.    Мусаев К.Ю., Умарова Ш.У. Почвенные водоросли хлопковых полей Узбекистана // Современное составние и преспективы изучения почвенных водорослей в СССР. – Киров, 1967. – С. 129-133.

• 10.    Некрасова К.А., Бусыгина Е.А. Неравномерность пространственного распределения водорослей в почве // Почвоведение. 1979. № 10. С.83-91.

• 11.    Тожибоев Ш.Ж. К распростанению и эколого-биохимической характиристики синезеленный водоросли Nostoc commune Vauch // Материали конференции по споровым растениям Средней Азии и Казахстана. – Ашхабад. 1974. 176

LSA-2-2024