Elektron o`quv-uslubiy majmualarda zamonaviy ta’lim texnologiyalardan foydalanish

O`zbekiston Respublikasi Prezidentining 2018-yil 14-avgustdagi PQ-3907-sonli “Yoshlarni ma’naviy-axloqiy va jismoniy barkamol etib tarbiyalash, ularga ta’lim-tarbiya berish tizimini sifat jihatdan yangi bosqichga ko`tarish chora-tadbirlari to`g’risidagi” Qarori mazmunidan kelib chiqib, pedagog kadrlarni va ta’lim oluvchilarni zamonaviy axborot-kommunikatsion vositalarni qo’llash asosida ilg’or pedagogik texnologiyalardan foydalanib, ta’im jarayonini yuqori darajaga olib chiqish, ta’limning ilmiylik prinsipiga alohida e’tibor qaratishga oid vazifalar belgilandi. Shundan kelib chiqqan holda, texnologiya ta’limida elektron o`quv-uslubiy vositalar tayyorlashda har bir mavzu uchun yangi ilg’or pedagogik texnologiyalardan foydalanish natijasida mavzuning mukammal o`zlashtirilishini ta’minlash mumkin.

Pedagogik texnologiya-bu bilimlar o`zlashtirilishining barcha jihatlari muammolarini tahlil etish va rejalashtirish, ta’minlash, baholash va muammolar yechimini boshqarishga qaratilgan faoliyatni tashkil etish usullari va vositalari, odamlar, g’oyalarni o`z ichiga oluvchi majmualashgan jarayon. Uning maqsadi ommaviy ta’lim sharoitida ta’lim jarayonining zaruriy samaradorligini ta’minlash 2

va ta’lim oluvchilar tomonidan o`qitishning ko`zlangan natijalariga erishish kafolatidan iborat.

Qo`llanilishi, qamrov hajmiga ko`ra ular 3 guruhga ajratiladi:

Texnologiya ta’limini o`qitishda yuqoridagi barcha texnologiyalardan foydalaniladi va bularni elektron o`quv-uslubiy majmualarda qo`llashning bir necha afzalliklari ko`rib chiqamiz:

• - ta’lim samaradorligini oshirish;

• - o`quv jarayonini loyihalashtirish;

• - o`qitish natijalarini rejalashtirish va unga erishish yo`llarini takomillashtirish;

• - o`quv jarayoni mazmuniga mos texnologiyalarni qo`llay olish;

Pedagogik texnologiya o`ziga xos bir nechta aspektlarni namoyon etadi, ya’ni:

• - ilmiy aspekt-olingan bilimlarni ilmiy asoslanishi;

• - tavsifiy aspekt-rejalashtirilgan o`qitishning natijalariga erishishning maqsadi, mazmuni, metodlari va vositalarining ishtirokida algoritm jarayoni ishlab chiqilishi;

• - amaliy aspekt-pedagogik texnologiya jarayoni amalga oshishi,

Har bir pedagogik texnologiyalar o`zida bir necha xususiyatlarni aks ettirishi shartlidir:

• - konseptuallik-har bir pedagogik texnologiyaga ta’lim maqsadlariga erishish falsafiy, psixologik, didaktik va ijtimoiy-pedagogik asoslarini ichiga oluvchi ilmiy konsepsiyaga tayanish hosil bo`lishi;

• - tizimlilik-jarayonning mantiqiy uning hamma qismlariga bog’liq bo`lishi;

• - samaralilik-mavjud natijalar bo`yicha samarali o`qitishga erishishi;

• - ilmiylik-mazmunning ilmiy asoslangan bo`lishi;

• - boshqaruvchanlik-o`quv jarayonini va ta’lim oluvchilarni boshqara olishi, natijalarni kuzatish, diagnostika qilish va tuzatishga erisha olishi;

• - texnologik sxemaga ega ekanligi-pedagogik texnologiyaning oldindan loyihalashtirilgan va rejalashtitilgan bo`lishi;

• - izchillik-berilayotgan ma’lumotlar mazmuni o`zaro bog’liq bo`lishi va bir-birini to`ldirib borishi.

Yuqoridagi bildirilgan fikrlardan shunday xulosa qilish mumkinki, nafaqat texnologiya ta’limida balki butun o`quv jarayonidagi vositalar, xususan elektron o`quv-uslubiy majmualarda pedagogik texnologiyalardan oqilona foydalanish, ularning mavzuga va rivojlanishi ko`zda tutilayotgan kompetensiya yoki ko`nikmalarga mos ravishda tanlab olish, ulardan foydalanish yuqori natijalarni beradi. Chunki, o`quv jarayonining samarali va maqbul tanlangan pedagogik texnologiya bilan jihozlash muvaffaqiyatning asosini ta’minlaydi.