Турли тола таркибли кўйлакбоп матоларнинг технологик кўрсаткичларининг ўзгариши

Республика тўқимачилик саноати тармоқларига инвестицияларни йўналтириш учун иқтисодий тусдаги бир қанча омиллар мавжуд. Булар: асосий хом ашё ресурслари, юқори сифатли пахта толаси мавжудлиги;энергия ресурсларининг қиймати пастлиги; малакали нисбатан арзон меҳнат ресурслари; ривожланган коммуникация тармоқлари, банк хизматлари ва юридик хизматлар; тўқимачилик маҳсулотларини сотишнинг кенг кўламли, лекин амалда ўзлаштирилмаган бозоридир.

Шу билан бирга, республика раҳбарияти иқтисодиётга хорижий инвестицияларни жалб этиш учун кўрсатаётган ёрдам ва яратаётган алоҳида қулай шарт-шароит сабабли тармоқ хорижий инвесторларни ўзига жалб этмоқда.

Ҳозирги бозор иқтисодиёти шароитида халқ хўжалиги маҳсулотлари ва техника материалига бўлган эҳтиёжни ошириш учун, маҳсулот турларини кўпайтириш, сифатини ошириш, янги илмий-техникавий янгиликларни тадбиқ этиш, тўқимачилик ва енгил саноат ишларидаги энг муҳим йуналишлардан бири ҳисобланади.

Матоларнинг технологик кўрсаткичларига уларнинг зичлиги киради. Матоларда танда ва арқоқ йўналиши бўйича зичлиги юқори бўлса, матолар қалин бўлади, ишқаланишга чидамлилиги ва узилиш кучи юқори бўлади. Матоларда иплар сони қанчалик кам бўлса, бундай матолар енгил бўлиб, тикиш пайтида деталлари қийшайиб кетади.

Матоларнинг зичлиги мавсумга қараб ўзгариб боради. Кузги, қишки мавсумлар учун зичлиги юқори бўлади, ёзги ва баҳорги мавсумлар учун зичлиги пастроқ бўлади.

Матоларнинг тузилиши танда ва арқоқ ипларининг ўзаро ўрилиши ва алоқаси билан белгиланади. Матоларнинг ташқи кўриниши, хоссалари ва нимага ишлатилиши унинг тузилишига боғлиқ бўлади.

Матоларнинг тузилишини ифодаловчи кўрсаткичларидан бири зичлиги бўлса, иккинчиси уларнинг ўрилишидир.

Матоларнинг танда ва арқоқ бўйича зичлиги бир-биридан фарқ қилса бундай газламалар зичлиги нотекис мато, бир-бирига тенг бўлса, зичлиги бир текис мато ҳисобланади. Одатда матоларда танда бўйича зичлиги арқоқ бўйича зичлигига қараганда каттароқ бўлади. Лекин, баъзи матоларда аксинча ҳам бўлади.

Матоларни зичлик бўйича таққослаш учун максимал ва нисбий зичлик тушунчалари киритилган. Матоларнинг максимал зичлиги шундай шартли зичликки, унда барча ипларнинг диаметри бир хил ва улар бир-бирига бир текис тегиб туради деб қабул қилинган.

Нисбий зичлиги юқори бўлган матоларни тикиш қийин, чунки тикиш пайтида игна ипларни узиб юбориши мумкин. Бундай матоларни дазмоллаш қийин, чунки зичлиги ошиб кетса, газлама оғирлашади, қаттиқлашади. Шунинг билан бирга матоларда узилиш ва ишқаланишга чидамлиги ошади, ҳаво ўтказувчанлиги камаяди.

Нисбий зичлиги кичик бўлган матолар енгил бўлади, ҳаво ва буғни яхши ўтказади. Улардан тикилган буюмларнинг чоклари пухта бўлмайди.

Бундай матолар ҳар томонга осонгина чўзилади, ҳамда бичиш ва тикиш пайтида қийшайиб кетади.

Шу сабабли, тола таркиби турлича бўлган кўйлакбоп матоларнинг технологик кўрсаткичлари тадқиқ этилди ва олинган синов натижалари келтирилган.

Турли тола таркибли кўйлакбоп матоларнинг технологик кўрсаткичларининг ўзгариши

Жадвалдаги синов натижалари асосида турли тола таркибли кўйлакбоп матоларнинг танда ва ароқоқ йўналиши бўйича зичлигининг ўзгариш гистограммаси 3.9-расмда келтирилди.

и - танда бўйича; s-арқоқ бўйича.

• 3.9- расм. Кўйлакбоп матоларнинг танда ва ароқоқ йўналиши бўйича зичлигининг ўзгариши.

Синов натижаларини танда ипига 100% пахта билан арқоқ ипига 5% жун+65% лавсан+30% пахта толали аралашмалардан олинган матоларнинг кўрсаткичларига нисбатан солиштирсак, танда ипига 100% пахта билан арқоқ ипига 6% жун+17% лавсан+67% пахта толали аралашмалардан олинган матоларнинг танда бўйича зичлиги 9,4% га, арқоқ бўйича зичлиги 5,6% га ошди, танда ипига 100% пахта билан арқоқ ипига 12% жун+10% лавсан+78% пахта толали аралашмалардан олинган матоларнинг танда бўйича зичлиги 5,4% га ошди, арқоқ бўйича зичлиги 10,6% га камайди, танда ипига 100% пахта билан арқоқ ипига 50% бамбук +50% полиамид толали аралашмалардан олинган матоларнинг танда бўйича зичлиги 9,4% га, арқоқ бўйича зичлиги 13,5% га ошди, танда ипига 100% пахта билан арқоқ ипига 90% акрил +10% полиамид толали аралашмалардан олинган матоларнинг танда бўйича зичлиги 6,0% га, арқоқ бўйича зичлиги 16,0% га ошди, танда ипига 100% пахта билан арқоқ ипига 40% акрил +60% бамбук тола аралашмалардан олинган матоларнинг танда бўйича зичлиги 13,6% га, арқоқ бўйича зичлиги 16,0% га ошди.

Олиб борилган тадқиқот натижаларидан кўриниб турибдики, тола таркиби турлича бўлган кўйлакбоп матоларнинг танда бўйича зичлиги 5,4% дан 9,4% гача, арқоқ бўйича зичлиги 5,6% дан 16,0% гача ошганлиги аниқланди.

Адабиётлар рўйхати:

• 1.    Пономоренко Д.Н., Лыс Л.Х. и др. Исследования по определению оптимального соотношения степени очистки хлопкового волокна на хлопкозаводах и хлопкопрядильных фабриках с учетом сохранения

  прядильно-технологических свойств волокна. Отчет ЦНИИХпрома. Т.: 1975.

• 2.    Ванчиков А.Н. Справочник по переработке химических волокон по хлопчатобумажной системе. Легкая индустрия, М.:,1970.

• 3.    Бурнашев Р.З., Очилов Т.А., Муратова Д.А., Волкова О.В. Кинетика изменения показателей массодлины хлопкового волокна в технологии прядении //Проблемы текстиля, №2, 2002, 30-32 с.

• 4.    А.Н.Соловьев, С.М.Кирюхин. Оценка качества и стандартизация текстильных материалов. М., Легкая индустрия, 1974.

• 5.    Соловьев А.Н. Выбор показателей качества и оценка их значимости.-«Технология текстильной промышленности», 1972, №2, с.134.

• 6.    Виноградов Ю.С., Соловьев А.Н. О довертительных интервалах при оценке генеральных статистических характеристик по малым выборкам.-«Технология текстильной промышленности», 1973, №5, с.15.

• 7.    Симоненко Д.Ф., Соловьев А.Н. Неограниченный выбор и оценка значимости показателей качества.-«Технология текстильной промышленности», 1973, №3, с.19.

• 8.    Ochilov Tulkin Ashurovich, Khalmatov Davronbek Abdalimovich, Shumqorova Shamsiya Pulatovna, Usanov Mustafaqul Maxmud ugli, Korabayev Sherzod Ahmadjanovich. Analysis of Quality Indicators of Mixed Spun Wool Yarns. Annals of R.S.C.B., ISSN:1583-6258, Vol. 25, Issue 4, 2021, Pages. 779 – 786.

"Экономика и социум" №3(94)-2 2022