Moslashuvchan onlayn ta'lim tizimi

Rivojlanib borayotgan zamonda davlatlarning rivojlanishida ta’lim tizimi juda muhim o’rin tutadi. An’anaviy ta’lim bilan bir qatorda onlayn ta’limni ham o’z o’rni bor. Pandemiya davrida O’zbekiston ta’lim tizimi vaqtincha onlayn ta’limiga o’tganidan keyin onlayn ta’limning yutuqlari va kamchiliklari yaqqol ko’zga tashlandi. Asosiy kamchiligi deb shuni aytish joizki onlayn ta’limda talabalar ichida faol va passiv o’zlashtiruvchilar uchun ham bir hil dars kontenti bir hil ko’rinishda berilgan bo’ladi. Demak masala oydinlashdi, onlayn ta’limni moslashtirishga ehtiyoj tug’ildi. Mavzning dolzarbligi ham shundaki, onlayn ta’limda talabalarning ta’lim olish uslubiga moslashib, har bir talabaga mos dars kontentlarini yetkazib berish, muhim masalalardan biri bo’lib qoldi. Moslashuvchan dars kontentlari talabalar uchun o’rganishga qulaylik tug’diradi. Natijada talabalarning o’zlashtirish va sifat ko’rsatkichlari yuqori bo’ladi. Biz ushbu maqolada talabalarning ta'lim olish uslubini baholash uchun web-ga asoslangan dasturiy vositani taqdim etamiz. Ushbu dasturiy vosita talabaning o'quv kontentiga bildirgan munosabatini doimo saqlab boradi va ushbu ma’lumotlardan foydalanib talabaning o’qish uslubini aniqlaydi. Biz ushbu dasturiy vositani talabalarda sinov tariqasida qo’lladik va talabalarning dastlabki o’quv uslublarini aniqladik. Biz bu tajribada juda yuqori aniqlikdagi natijalarni qo’lga kiritdik va ushbu dasturiy vosita haqida talabalardan ham ijobiy fikrlar oldik.